Last night @ home

很多朋友問我執完嘢未、心情緊唔緊張. 其實要拿去英國的東西已經收拾好, 只是擔心過磅, 所以要有contingency plan, 預計有哪些東西可以隨時拿走, 遲些才叫Angus拿去英國. 心情無話好唔捨得, 因為個旅程已經plan咗好耐,有晒心理準備,好似身邊的人重緊張過我. 另一個原因是太忙,忙着收拾家裹的雜物,再加上由公司拿回來書和其他東西,真是今人頭痛,所以我暫時未有時閒整理自已的思緒. 情形好像有點似返公時趕着明天放假去旅行,走之前要寫leave memo, set定out of office email 一般.

幸好ニ家姐來幫我執屋,我們夾手夾腳巳把80%的東西整理好,明天返完教會後要繼續. 同ニ家姐一起執嘢的感覺很特別,因為之前我忙着返工,佢忙着照顧兒子,後少機會–起合作完成一件事,佢不斷講"dump咗佢dump咗佢",差不多巳把我全屋的衫dump晒!! 我把很多東西pack箱in case屋企裝修,其實我肯定明年回來時巳忘記我啲嘢收咗係邊,因為實在太趕了! 最搞笑是家姐的工人著住件Oxford U 的T-shirt. 原來她之前的顧主住在Oxford,所以她在那裹住了三年, 她還說Wadham College 很近超市. 原來識途老馬就在身邊,早知多多向她請教請教!

有些東西很有記念價值但因太浪費地方,所以要忍心丟去,所能做的是拍照留念. 相中的畫是我在教會明友心目中的形象,唔好叫我解畫,有些我巳忘記了.....